Skuadra e Benfikës iu kthye fitores në kampionatin portugez pas humbjes së një jave më parë në fushën e Setubalit. Shqiponjat shkatërruan 3-0 në Estadio da Luz Nacionalin me dygolëshin e Jonas në pjesën e parë dhe finalizimin e Mitroglu 10 minuta para se të përfundonte ndeshja. Diferenca me Porton e vendit të dytë mbetet vetëm një pikë edhe pas javës së 20 të.
Në minutën e 26-të një krosim i saktë i Zivkoviç u finalizua me gol nga Jonas, që kërceu bukur me kokë në qendër të zonës. sulmuesi brazilian tregoi klasin e tij me një të majtë të saktë nga jashtë zonës në minutën e 35-të, për golin e 2-0. Shifrat 3-0 i vulosi Mitroglu me një goditje të fortë thuasje nga pika e bardhë e penalltisë, pa i dhënë asnjë shans.
