Berisha: Ekonomia shqiptare drejt falimentimit

Ish kryeministri Berisha shprehu shqetësimin serioz dje për situatën kritike që po kalon ekonomia në vend. përmes një statusi në Facebook, Berisha renditi të dhëna konkrete që dëshmojnë krizën e sotme.
“Ekonomia në ditën e saj më të zezë: Edi Drama, suksesin më të madh të jetës ka shndërrimin e dramës së tij në dramë për ekonominë e shqiptarëve! Të dhëna dramatike për ekonominë e vendit njoftojnë Instituti i Statistikave, Banka e Shtetit dhe Dhomat e Tregtisë! Instituti i Statistikave konfirmon instalimin e deflacionit, dëshmi kjo e rënies katastrofale të kërkesës në ekonomi, rënia më e madhe në 23 vitet e fundit. – Rënien dramatike të eksporteve.  Kështu, vetëm eksportet fason shënojnë në muajin prill një rënie prej 42%, rënie e paregjistruar kjo në 23 vitet e fundit. – Rënien katastrofale të kredisë bankare prej 14.3% dëshmi e një mosbesimi ekstrem të bizneseve për të marrë kredi dhe investuar në Shqipëri. Largim masiv i investitorëve të huaj nga vendi. Aplikim masiv i bizneseve për procesin e falimentimit, vetëm tre muajt e parë të këtij viti aplikuan me falimentim mbi 5000 biznese, disa prej të cilave edhe më të mëdhatë e vendit! Ekonomia shqiptare në galop drejt falimentimit. Edi Rama ka për suksesin më të madh të jetës së tij shndërrimin e dramës së tij personale në një dramë të vërtetë për çdo shqiptar dhe ekonominë e tyre!” shprehet Berisha në reagimin e tij.