Ish-Kryeministri Sali Berisha ka komentuar lajmin se, policia ka gënjyer se ka ndaluar dy truprojat e Saimir Tahirit.
Njëri prej tyre, u lajmëruar mbrëmjen e djeshme dhe tha se nuk ishte i ndaluar. Sipas ish-kryeministrit Sali Berisha, ‘ai mashtroi dhe pafytyrësisht qytetarët se ish-truproja e Saimir Drogës është arrestuar ndërkohë që ai është i lirë jashtë vendi’.
Reagimi i plotë i ish-Kryeministrit Berisha
Pafytyrësia e narkodrejtorit të përgjithshëm të narkopolicisë nuk njeh kufinj!
Ai mashtroi dhe pafytyrësisht qytetarët se ish-truproja e Saimir Drogës është arrestuar ndërkohë që ai është i lirë jashtë vendi. Ai ka peng Edvin drogën ndaj dhe mashtron një popull të tërë.
Lexoni kroniken e mëposhtme të gazetarit dhe ndiqni videon kur akuzonte si bandit para komisionit te ligjeve nënën e 15 vjeçarit të keqtrajtuar shtazërisht nga narkobanditet e tij.
Gënjeshtra e Ardi Veliut/ Policia e shpalli të arrestuar, ish-shoqëruesi i Tahirit telefonon gazetaren nga arratia
Ndërsa policia e ka shpallur të arrestuar ish-shoqëruesin e Saimir Tahirit, gazetarja Klodiana Lala ka hedhur poshtë këtë version.
Gazetarja shprehet se ish-shoqëruesi i Saimir Tahirit, Agustin Gega e ka telefonuar dhe i ka thënë se kundërshton akuzat ndaj tij nga ana e SPAK-ut.
Lala shprehet se në lidhje me këtë rast, Ardi Veliu duhet të heqë kapelen, edhe sepse Hekuran Marku, një tjetër ish-pjesëtar i grupit të shoqërimit të ish-ministrit te Brendshëm është në arrati.
