Sali BERISHA
Në mbledhjen e narko-qeverisë, kreu i Meduzës shpalli Gjendjen e Jashtëzakonshme ndonëse ligjet e vendit dhe Kushtetuta sanksionojnë detyrimin për shpalljen e Gjendjes së Fatkeqësisë Natyrore.
Por nga ajo mbledhje, qytetarët dëgjuan më shumë për kërcënimet e kreut të saj ndaj mediave dhe portaleve që “e helmojnë” Edvinin, se sa për fondin fillestar që vihet në dispozicion për përballimin e gjendjes dramatike të krijuar nga goditja nga tërmeti dhe në ndihmë të të dëmtuarve të tij.
Në përputhje me këtë deklaratë kërcënuese ndaj mediave, kreu i Meduzës inauguroi Gjendjen e Jashtëzakonshme duke urdhëruar dje arrestimin e gazetarëve të një portali të njohur informativ, “Jeta Osht Qef” dhe duke sulmuar përsëri mediat tek komunikonte me Tele Blushin me ndihmën e gazetarit të tij Merhum Velia.
Dënoj me ashpërsinë më të madhe këtë terror kriminal ndaj gazetarëve dhe mediave të pavarura nga kreu i Meduzës dhe kërkoj lirimin e menjëhershëm të gazetarëve të arrestuar si dhe iu bëj thirrje mediave të raportojnë me guxim dhe objektivitet, të gjitha aspektet e situatës dramatike të të dëmtuarve nga tërmeti i datës 26 nëntor.
