Betejë në Gjykatë, policia dhunon deputetin Spaho (Foto)

Policia ka vendsour shtetrrethim në Tiranë. Situata është tensionuar së tepërmi në Gjykatën e Tiranës ku ka nisur seanca ndaj 23 të arrestuarve të protestës në “Rrugën e Kombit”. Policia nuk ka lejuar deputetët e opozitës të futen në sallën e gjyqit. Bëhet e ditur se forcat e policisë kanë dhunuar nënkryetarin e Parlamentit, deputetin e PD, Edmomnd Spaho.
Si shkak i përplasjes mes protestuesve dhe policisë është thyer dera e sallës ku do të zhvillohet seanca. Ndërkohë që para gjykatës janë të shumtë forcat e policisë por dhe qytetarët të cilët kërkojnë lirimin e protestuesve të arrestuar me pa të drejtë. Gjykata ka vendosur që deputetët e opozitës të futen në sallën e gjyqit.
Nënkryetari i Partisë Demokratike, Edmond Spaho, pasi përplasjes me policinë ku është dhunuar, ka telefonuar menjëherë Ministrin e Brendshëm Fatmir Xhafaj, por ky i fundit nuk i është përgjigjur.
Ndërkohë që më herët Spaho pati një telefonatë dhe me drejtorin e Policisë ku i ka kërkuar se nga kush është urdhëruar që policët të ushtrojnë dhunë mbi qytetarët dhe deputetë.
Ndërkohë që përgjigja e drejtorit të policisë ka qenë: Nuk janë policët e mi, janë policët e shtetit.