Stuhitë e breshrit të pak ditëve më parë, kanë dëmtuar plantacionet me pjeshkë dhe nektarinë në fshatin Vidhas të Elbasanit.
Fermerët të braktisur nga qeveria shprehen se thuajse 80 përqind e luleve të pemëve kanë rënë duke bërë që këtë vit e gjithë zona të mbesë pa prodhim.
Teksa dëmet nga moti rrezikojnë prodhimin e këtij sezoni, fermerët ankohen dhe për braktisjen nga shteti.
Një problem tjetër për banorët e zonës vijon të mbetet mungesa e tregut. Banorët në zonë prej kohesh vuajnë mungesën e infrastrukturës rrugore gjë e cila u shkakton dëme të herë pas hershme në automjete.
