Një tjetër deputet i rilindjes ka rezultuar me rekorde kriminale dhe pritet që t’i hiqet mandati së shpejti, siç raporton portal Syri. Net. Kjo për shkakun se në formularët e dekriminalizimit nuk ka bërë publike një dënim të marrë në Itali në mesin e viteve ’90. Siç edhe bëhet e ditur në dokumentet e shtetit italian të siguruara nga SYRI.net, deputeti i LSI-së në Vlorë që tani është rreshtuar në krah të Edi Ramës, Shkëlqim Selami është i dënuar në Brindizi. Sipas dokumentit, Selami është i dënuar për “trafik të qenieve njerëzore” si dhe për futjen në Itali të qytetarëve ekstrakomunitarë. E pikërisht këtë dënim të dhënë në 24 tetor 1994 ndaj tij, deputeti Shkëlqim Selami nuk e ka bërë publike. Por ky është vetëm fillimi i këtij skandali. Këto dokumente mësohet se janë në dorën e kryeministrit Edi Rama, i cili i ka përdorur si formë presioni ndaj deputetit Shkëlqim Selami gjatë muajit korrik, kur Rama kishte frikë së Ilir Meta ishte duke mbledhur vota për ta rrëzuar qeverinë. Mësohet se Rama i ka bërë presion Selamit me dokumentin dhe faktin e heqjes së mandatit të tij nga Kuvendi dhe më tepër dërgimin për ndjekje penale, nëse do të ishte në grupin e deputetëve që do të votonin për rrëzimin e tij nga pushteti. Skandali thellohet edhe më shumë, sepse burimet kanë bërë të ditur për SYRI.net se dokumentet janë edhe në dorën e Prokurorisë prej disa muajsh, por edhe ajo nuk ka bërë lëvizjet e duhura për të akuzuar Selamin për fshehje të informacionit në formularët e dekriminalizimit dhe ndalimin e tij.
Skeda e Shkëlqim Selamit
Emri i babai: Bashkim
Vendi i jashtëm ku është specifikuar lindja: Vlorë
Adresa: Rezident
Vendi: Shqipëri
Adresa: Lagjia “Osman Haxhiu”, rruga “Demokracia” 1118-Vlorë
Informacioni i policisë
Zyra sinjalizuese: Kuestura e Brindizit
Data e Komunikimit: 24.10.1994
Lloji i informacionit: Mandat arrestimi
Të dhënat për komunikimin
Lëshuar nga Kuestura e Brindizit
Data e Komunikimit: 24.10.1994
Gjendja e informacionit: Për tu ndjekur
Roli Emri e Mbiemri Vendi i Lindjes
Urdhër kërkimi Shkëlqim Selami 3/12/1967 Shqipëri
Shënime:
Gjykata e Brindisit. Urdhër ekzekutimi për dënim me burg nr. 953/94, e lëshuar në 03/10/1994 për “Krijim të organizatave kriminale” dhe “favorizim emigracioni” si dhe për favorizim dhe hyrje të paligjshme në territorin italian të qytetarë që vijnë nga vendet jashtë komunitare.
Për zbatimin e urdhrit ngarkohet Kuestura e Brindizit.
