Bashkia e Tiranës rrit tarifat ndaj familjeve që banojnë në pallate. Erjon Veliaj bëri të ditur se, Bashkia bëri të ditur se do të emërojë 5 mijë administratorë pallatesh në Tiranë dhe tarifat nga 7 mijë lekë që janë shkojnë në 30 mijë lekë.
Figura e administratorit ekziston vetëm në një pjesë të pallateve të reja, ndërtuar pas ‘90-ës, ku vetë banorët me konsensus kanë zgjedhur përfaqësuesin për administrimin e punëve kolektive, si pastrimi i shkallëve, ndriçimi, ashensori, shërbim që kushton nga 500 deri në dy mijë lekë të reja në muaj. Sipas Bashkisë së Tiranës, për çdo 20 administratorë pallatesh do të ketë një ndërlidhës, i cili do të jetë ura e komunikimit mes Bashkisë dhe qytetarëve. Asambletë e banorëve të pallateve, të cilët do të trajnohen paraprakisht nga Bashkia dhe më pas do të marrin licencën për këtë detyrë.
Administratorët e afër 5000 pallateve që ka Tirana do të duhet që sipas ligjit të raportojnë për problematikat në njësitë vendore. Tarifa e administrimit për secilin bashkëpronar do të përcaktohet bazuar në shpenzimet e administrimit dhe në kuotën e pjesëmarrjes në bashkëpronësi të pronarëve të njësive në përputhje me numrin e kateve dhe për masën e përdorimit të objekteve të veçanta. Nga një vlerësim paraprak, fatura mujore për familje që do t’i shkojë administratorit vlerësohet të jetë nga 1 mijë deri në 3 mijë lekë të rinj në varësi të pallatit dhe të zonës së banimit.
Në rast se një bashkëpronar nuk e paguan tarifën e administrimit në kohën e caktuar, për çdo muaj vonesë, ai do të paguajë një kamatë 10% të tarifës, ndërsa për banorët që refuzojnë pagesën 3 muaj rresht ndërhyn Gjykata dhe Përmbarimi.
