Në “Drejt” nga Luan Rama, deputeti demokrat Kreshnik Çollaku u shpreh se Rithemelimi të regjistrojë një grup parlamentar në kuvend.
Çollaku: Rithemelimi të regjistrojë një grup parlamentar në kuvend dhe me shumë gjasa sikurse janë sot meqë kanë më shumë deputetë, kanë të drejtën të marrin privilegjet që u ofron grupi më i madh parlament në kuvend dhe ne nuk kemi kundërshtim.
Nuk e bëjnë këtë sepse kërkojnë që të imponojnë përfaqësimin e PD-së gjë të cilën nuk e pranojmë, sepse nuk mund të pranojmë që të përfaqësohemi nga dikush që nuk është anëtar i PD-së dhe t’i bëjmë Ramës dhe Nikollës presin se kush është kryetar grupi dhe kryetar i PD-së.
Gjithashtu, deputeti demokrat u shpreh se nuk dorëzohet përballë situatës në kuvend dhe theksoi se ka shpresë.
Çollaku: Nuk hyj te pesimistët e dorëzuar. Mendoj se ka dalje dhe nuk janë të lehtë. Kanë ndodhur ngjarje më të rëndë në vendin tonë dhe këto skena në parlament nuk janë parë, është vrarë një deputet dhe është protestuar, ka pasur 97 dhe nuk është vepruar kështu.
Unë e ndjej se kjo nuk përkthehet në një tension në shoqëri. Është e pamundur që të replikohet kauza dhe veprimi i Vetëvendosjes në Kosovë, ata kishin një histori dhe një rezistencë. Ne kemi një mospërputhje shumë të madhe në vendin tonë. Ka një ftohje mes asaj që ndodh në kuvend dhe asaj që ndodh ne shoqëri.
