Situata e koronavirusit në vend po shkon drejt kolapsit. Eksperti Erion Dasho shprehet se, duhet të nisë urgjentisht zbatimi i trinomit: testo-gjurmo, trajto!
“Pas një stabilizimi në dukje gjatë periudhës gusht-shtator, përhapja e COVID gjatë muajit tetor paraqet një rritje të rrezikshme. Me një mesatare ditore prej gati 190 rastesh (237 gjatë javës që kaloi), situata kërkon vëmendje maksimale.
Nëse nuk merren masa të menjëhershme dhe kjo tendencë vazhdon, brenda pak javëve do të tejkalohet mundësia e përgjigjes së sistemit shëndetësor.
Nuk është punë maskash! Duhet nisur urgjentisht nga zbatimi i trinomit testo-gjurmo-trajto!”, shkruan ai.
