Arsenal ka fituar bindshëm 5-1 ndeshjen e International Champions Cup, që është luajtur në “National Stadium” të Singaporit.
Një nga protagonistët e ndeshjes ka qenë Mesut Ozil, i cili ka shënuar golin e parë të “Topçinjve”. Por mesfushorit gjerman ka qenë protagonist edhe në dy momente të tjera të çuditshme të ndeshjes.
Në fillim, teksa skuadrat ndodheshin në tunel, ai i ka dhënë një autograf arbitrit të takimit. Ozil, në fakt, siç mund të shihet në videon e mëposhtme, ka firmosur atë që duket të jetë kartoni i verdhë i gjyqtarit.
Çudia ka vazhduar pas futjes në fushë të ekipeve. Në momentin e përzgjedhjes së fushës ose topit, në vend të monedhës tradicionale, është përdorur një kartë krediti.
