Pas një sezoni në radhët e Juventusit, Dani Alves po përgatitet për një tjetër aventurë. Braziliani është shumë pranë Manchester City-t pas kërkesave të shumta të Pep Guardiolës për ta afruar në grupin e tij. Agjentët e lojtarit janë takuar me drejtuesit e klubit torinez dhe kanë gjetur gjuhën e përbashkët për fundin e bashkëpunimit, pasi braziliani u kontestua nga tifozët pas frazave në drejtim të Dybala, të cilit i kërkoi të largohej nga Juventusi për t’u rritur edhe më shumë si lojtar.
