Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka deklaruar se rezultati i luftës në Ukrainë do të vendoset këtë pranverë ose verë.
Këtë deklaratë shefi i diplomacisë së BE-së e ka dhënë të enjten pas takimeve që ka realizuar në Uashington, raportoi Reuters.
Duke bërë thirrje për mbështetje të qëndrueshme për Ukrainën mes dyshimeve për vazhdimin e ndihmës ushtarake të SHBA-së për Kievin, Borrelli ka thënë se Ukraina “nuk mund të pres deri në rezultatet e zgjedhjeve presidenciale të SHBA-së në nëntor”.
Ndryshe nga deklarimet e Borrellit, ekspertët ndërkombëtarë të sigurisë kanë thënë se presin ofensivë të madhe ruse këtë verë.
