Gazetarja Klodiana Lala ka rrëzuar pretendimet e Vangjush Dakos, i cili në emisionin “Opinion” tha se nuk ka folur asnjëherë në telefon me Astrit Avdylajn.
Dako me këtë pretendim ka rrëzuar përgjimin e publikuar dje nga BILD, sipas të cilit Avdylaj komunikon me kryebashkiakun e Durrësit.
“Në pesë përgjime Avdylaj flet me ata persona që thuhet, ndërsa në rastin tim unë nuk flas me atë”, tha Dako.
Por, e pranishme në emisionin “Të paekspozuarit”, Lala u shpreh se pretendimet e Dakos nuk janë të vërteta, pasi numri është i konfirmuar nga Prokuroria dhe përgjimet janë të autorizuara.
“Është numër i konfirmuar nga Prokuroria, janë përgjime të autorizuara dhe të konfirmuara nga Prokuroria, ky është numër i Astrit Avdylit, që përdoret nga Astrit Avdyli”, tha gazetarja.
I vënë para përgjimit Vangjush Dako ka mohuar që në përgjim të jetë duke folur me Astrit Avdylaj.
Fevziu: Zoti Berisha ka thënë që Rama nuk ju hap më telefonin….
Gjushi: Diversionet e zotit Berisha nuk kanë të sosur. Unë kam marrëdhënie shumë të mira me të gjithë.
Fevziu: Nuk jeni shqetësuar fare nga këto përgjime
Gjushi: Fare!
Fevziu: Akullorja shkriu (referohet videos ku Gjushi thotë jam akullore i pastër)
Gjushi: Çfarë ka ndryshuar?
Fevziu: Një person që del në 6 biseda….
Gjushi: Ai vetë flet vetë përgjigjet
Fevziu: Ju jep urdhëra juve
Gjushi: Vetë flet, vetë përgjigjet. Edhe ti si Astrit Avdulaj vetë flet vetë përgjigjesh.
Nuk jam duke folur me Astrit Avdylaj.
Fevziu: Më kë jeni duke folur.
Gjushi: Gjejeni ju. Ta gjejë gjermani
Gjushi: Tani po flet si Prokuror
Kjo tregon që një mendje e hollë e ka manipuluar për të krijuar lidhjen me pesë telefonatat e tjera….
