Dekani i Fakultetit të Ekonomisë, Dhori Kule, në fjalën e tij, u shpreh se askush mund të tallej me profesorët lidhur me vonesën me tre ditë të pagave. Ai u është hakërryer pedagogëve para Ramës duke thënë se kjo ishte turp.
“Askush nuk mund të tallet me ne. Na u vonuan pagat tre ditë dhe sikur vdiqëm për bukë. Janë disa personazhe mediatike që e kanë fryrë këtë çështje në media. Na shohin si ata që kanë mbetur pa lekë dhe pse na u vonuan pagat 3 ditë u bë hataja. Na vjen turp të dalim rrugës e dëgjojmë që thonë se na u vonuan rrogat tre ditë dhe ne u ankuam. Kush ju jep të drejtën të tallen me integritetin tonë. Bënë mirë që u shqetësuan për rrogat në fakt sepse buxheti i Ekonomikut nuk u realizua se ka ndodhur futur një situatë e turpshme kur pezullohej administratori dhe rrinte prapar derës se nuk i donte qejfi rektorit që ai të futej brenda. Hallet tona nuk na i zgjidhni dot ju”, iu drejtua Kule, kryeministrit.
Edhe diskutimet e pjesëmarrësve të tjerë të Senatit të UT-së, të pranishëm në takim ishin në të njëtën frymë dhe në thelb gjatë takimit nuk u trajtua asnjë çështje me rëndësi dhe as nuk u zgjidh gjë, por gjithçka u përmblodh në një shkëmbim batutash mes tyre dhe kryeministrit.
Rama u justifikua për vonesën ne paga dhe bëri shoë-n e tij të zakonshëm, kurse Koni, Kule e të tjerët që përfaqësonin sistemin universitar, vazhduan stilin e uljes së kokës.
