Evropa po del nga stina e dimrit me një vëllim rekord të gazit të magazinuar, i cili i ka kthyer çmimet sërish në nivelet e para krizës.
Skema e furnizimit ka ndryshuar shumë në raport me atë të dy viteve më parë, kur tregtarët dhe politikëbërësit ishin të shqetësuar për mungesat e mundshme të gazit pas pushtimit rus të Ukrainës.
Objektet e magazinimit në të gjithë Bashkimin Evropian dhe në Mbretërinë e Bashkuar ishin plot 62% më 5 mars krahasuar me një mesatare prej 41% në të njëjtën peridhë në vitet midis 2011 dhe 2020.
Dimri 2023/24 është karakterizuar kryesisht nga një oshilacione të forta pozitive të Atlantikut të Veriut, gjë që i ka drejtuar erërat e forta perëndimore nga përtej Atlantikut në Evropën Veriperëndimore.
Diferencat e presionit midis zonës së presionit të ulët Grenlandë-Islandë dhe zonës me presion të lartë Bermuda-Azores kanë qenë më të mëdha se normalja, duke përshpejtuar ajrin e ngrohtë dhe të lagësht në Evropën Veriperëndimore.
Rezultati ka qenë temperatura dhe shpejtësia e erës më e lartë se mesatarja, duke ulur kërkesën për ngrohje dhe në të njëjtën kohë duke rritur prodhimin e erës dhe duke e reduktuar dyfish konsumin e gazit.
Deri më tani këtë dimër, kërkesa për ngrohje ka qenë 14% nën mesataren afatgjatë në Londër dhe 25% nën mesataren në Frankfurt në Gjermani.
Por ndihma që i ka dhënë natyra Europës është kombinuar me politikat e kursimit.
Çmimet më të ulëta tashmë po drejtojnë më shumë ngarkesa të gazit natyror të lëngshëm tek klientët e ndjeshëm ndaj çmimeve në Azinë Lindore dhe Jugore, të cilët nuk ishin në gjendje ose nuk dëshironin të konkurronin me përdoruesit më të pasur në Evropë gjatë 2022/23.
Çmimet duhet të bien mjaftueshëm për një kohë të mjaftueshme për të pastruar një pjesë të inventarit të tepërt dhe për të krijuar vend në sistemin e magazinimit për akumulimin e inventarëve gjatë verës së vitit 2024.
