Futbolli është një prej sporteve më të dashur në Botë, dhe që padyshim ngjall interesin dhe kureshtjen te të gjithë të apasionuarit pas këtij sporti. Gjithsesi në këtë lajm nuk do të informojmë për ndeshje, por për disa fakte interesante dhe zbavitëse, që jo gjithmonë na rastis t’i shohim apo lexojmë.
1-A e dini se “Fenomeni” Ronaldo, në karrierën e tij ka luajtur së bashku me trajnerët aktualë të Atletico Madrid (Diego Simeone), Barcelonës (Luis Enrique) dhe Real Madridit (Zinedine Zidane)?
2- Henrikh Mkhitaryan është lojtari i parë armen që ka shënuar gol në Premier League.
3-Asnjë menaxher pa flokë nuk ka fituar asnjëherë një titull kampion në Premier League.
4-Alexis Sanchez është lojtari i vetëm që ka realizuar 3 golësh në Premier League, La Liga dhe Seria A.
5-Nuk ekziston stadiumi “Camp Nou” në FIFA 2017.
6-Argjentina dhe Ururguai janë dy Kombëtaret që mbajnë rekordin e përballjeve më të shumta mes dy vendeve. Të dyja skuadrat janë ndeshur më shumë se 200 herë.
7-Edinson Cavani ka shënuar vetëm 2 gola në 6 muajt e tij të parë si lojtar i Palermos.
8-El Shaarawy zgjodhi që të përfaqësonte Kombëtaren e Egjiptit, por u “injorua” nga drejtuesit e Federatës, të cilët i thanë: “Je i talentuar, dhe pas disa vitesh mund të bëhesh një nga sulmuesit më të mirë në Botë, duke iu bashkuar Kombëtares së Italisë, për një të ardhme më të shkëlqyer”.
9-Këngëtari i preferuar i sulmuesit të Borussia Dortmund, Marco Reus është Justin Bieber.
10-Sulmuesi i Juventusit, Moise Kean është lojtari i parë, i lindur në vitin 2000, që luajti në një ndeshje të Champions League.
