Shkëlzen Berisha ka paditur në gjykatë deputetin socialist Taulant Balla me akuzën e shpifjes, pas akuzave të bëra nga ky i fundit se djali i ish-Kryeministrit nuk ka paguar taksat. Sot u bë përballja në gjykatë, ndërsa Shkëlzen Berisha paraqiti dokumente që provojnë pagesat e taksave.
Dokumentet e dala nga Drejtoria e Përgjithshme e Tatimeve, me anë të të cilave Shkëlzen Berisha vërteton pagesat e kryera përgjatë viteve 2009-2010. Djali i ish-kryeministrit Sali Berisha nxori edhe disa dokumente që tregonte se ka paguar 50 milionë lekë për dy vite, ndryshe nga sa pretendon deputeti Balla, i cili e akuzon se i është shmangur taksave e detyrimeve përgjatë viteve 2008, 2009 dhe 2010.
Referuar dokumenteve të Tatimeve, provohet se Shkëlzen Berisha ka paguar taksat. Përmes dokumentit në fjalë provohet se pretendimet apo akuzat e deputetit socialist janë shpifje.
