“Çapitemi çdo ditë për t’u përballur me ferrat që ju dhe bashkëpunëtorët tuaj na i vini përpara këmbëve” – kështu e mbyll mesazhin e tij në Facebook, Joni Myshketa, kandidat për deputet i Koalicionit Euroatlantik në Durrës.
Në një postim të ndjerë dhe të drejtëpërdrejtë, ai ndan me qytetarët pamje nga një lagje e qytetit që ndodhet në gjendje të mjerueshme: rrugë të rrënuara, shërbime që mungojnë dhe ujë që vjen me orar.
“Kryeministri nuk është më pjesë e këtij qyteti – është strukur në listat e Tiranës, por nuk i shpëton dot përgjegjësisë për këtë braktisje,” shkruan Myshketa.
Mesazhi i tij është një thirrje e qartë për votë kundër arrogancës, mashtrimeve dhe premtimeve që nuk mbahen. “Të votojmë për fëmijët tanë, jo për xhaketat e vjetra që sillen vërdallë për të ruajtur karrigen.”
*Jonuz (Joni) Myshketa – Pedagog në Universitetin “Aleksandër Moisiu”, anëtar i Këshillit Bashkiak Durrës dhe kryetar i Degës së Durrësit për Koalicionin Euroatlantik. Me bindje të djathta, i angazhuar për drejtësinë e re, listat e hapura dhe aleancat strategjike me SHBA, BE dhe UK. Beson te Zoti, kombi, familja dhe prona si themeli i një shoqërie të drejtë.
—
Postimi i plotë:
Fort I “nderuar” kryeministri I vendit tim, deputeti në detyrë I qarkut Durrës, pas strukjes në listat e mbyllura të qarkut Tiranë ma do mendja “që vëmendja ndaj Durrësit” ku ke dhe një pjesë të rrënjëve do jetë dhe më e “shtuar”.
Fotot më poshtë janë të një lagjjeje qyteti, saktësisht Lagjja nr.18, rruga Sulejman Delivna.
Ma do mendia se flasin vetë, pa llogaritur situatën e furnizimit me ujë “arritjen” dështimin tuaj dhe të pushtetit lokal të radhës ku mezi u vjen 1 ose 2 orë në ditë, pra krejt e kundërta e asaj që deklaroni për një shërbim imagjinar prej 24 orësh.
Tani o ju jeni I keqinformuar, o ju jeni deliranti e demagogu më I madh I vendit e për këtë realisht meritoni pa diskutim vendin e parë.
Po jeni disa hapa para në këtë drejtim sa dhe ministri I propagandës së Hitlerit do ju kish zili, që realiteti nuk përputhet kërrkund me daljet tuaja Don Kishoteske.
Shkopin magjik e keni pasur për plot 12 vite në mënyrë të pamerituar në gjykimin tim, përmes aleancave shumë larg interesit të qytetarëve.
Tani mbetet në dorën tonë I ” nderuar” kryeministër I vendit tim që më 11 maj të votohet zgjuar nga ne njerëzit e thjeshtë që çapitemi çdo ditë për tu përballur me ferrat që ju e bashkëpunëtorët tuaj na I vendosni përpara këmbëve.
Të dilet e të votohet masivisht për familjet tona, të ardhmen tonë e jo për orekset tuaja a të xhaketave të vjetra, me të cilët jeni në simbiozë e që aq shumë ju nevojiten pasi përpara tyre medemek dukeni I pastër pamvarësisht se jeni gatuar në të njëjtin katran.
