Dy derbe, Leganés-Real Madrid dhe Espanyol-Barcelona, një duel i tensionit të lartë midis Atlético dhe Sevilla, si dhe Valencia-Alavés janë çerekfinalet e Kupës së Mbretit në Spanjë. Ky është verdikti i shortit të hedhur mesditën e djeshme për këtë kompeticion të futbollit kombëtar iberik. Sikurse shihet, ende në garë për këtë trofe janë dy gjigantët e La Liga-s, Barcelona dhe Real Madridi. Katalanasit janë fituesit në fuqi dhe kryesojnë kampionatin spanjoll për këtë edicion, me 16 pikë më shumë se “Los Blancos”. Kujtojmë se finalja e “Copa del Rey” është caktuar për t’u luajtur të shtunën e 21 prillit. Ata që përfshihen në finale do të duhet të “parkojnë” ndeshjet e tyre në La Liga.
