Sot mbushen dy vjet nga tërmeti shkatërrues që goditi Shqipërinë. Shqipëria veriperëndimore u godit nga një tërmet i fortë me magnitudë 6.4 me një epiqendër 16 kilometra në perëndim-jugperëndim të Mamurrasit, në 03:54 CET (UTC +1) më 26 nëntor 2019.
Dridhja u ndje në kryeqytetin e Shqipërisë, Tiranë, si dhe në vende aq larg sa Taranto dhe Beogradi, rreth 370 kilometra në verilindje të epiqendrës.
Në total 51 njerëz mbetën të vdekur nga tërmeti dhe mbi 3,000 vetë u plagosën. Për nga shkalla e magnitudës ky ishte tërmeti më i madh që ka goditur Shqipërinë në më shumë se dyzet vjet.
Edhe pas dy vitesh, njerëzit vazhdojnë të jetojnë në çadra, ndërsa Rama shkruan në një postim në Facebook se, “jemi më mirë se para tërmetit”!
Kreu i qeverisë tha se, tragjeditë sprovojnë njerëzit, duke shtuar se sot jemi ngritur më të fortë. Rama deklaroi se, mijëra familje të goditura prej tërmetit sot janë më mirë se sa përpara goditjes prej fatkeqësisë.
