Ernest Muçi, e nisi vitin 2025 në mënyrë fantastike, teksa arriti të shndërrohej në protagonist në ndeshjen e ditës së sotme, duke realizuar një supergol për Beshiktashin ndaj Rizespor në kampionat, në sfidën që përfundoi në barazim 1 me 1.
Nota me të cilën është vlerësuar ylli kuqezi nga “Sofascore” është 7.5, duke qenë i dyti me vlerësimin më të lartë në këtë takim pas portierit Mert Gunok që mori notën 7.6
Talenti pogradecar, në ndeshjen e sotme realizoi 21 nga 29 pasime të sakta. Ai e preku topin 49 herë në 74 minutat që qëndroi në fushë, si dhe fitoi 7 duele me kundërshtarët. Gjithashtu Muçi realizoi edhe 2 driblime të suksesshme në sulm.
Në 13 ndeshje të luajtura këtë sezon me ekipin nga Stambolli, Ernest Muçi ka arritur të realizojë 4 gola dhe një asist.
