Nga Lavdrim Lita
Kryeministri Edi Rama rrezikohet nga një sëmundje e rëndë. Është e njëjta sëmundje që prek regjizorët, aktorët dhe spikërat e lajmeve: rrezatimi i tëpërt ndaj kameras. Është një sëmundje profesionale. Nuk është vetëm perceptim gazetaresk i daljeve të shumta të zotit Rama në lidhje drejtpërdrejt. Ka edhe të dhëna. Kryeministri Edi Rama ka konsumuar ditëm e sotme tre dalje në ERTV, dy vet-intervista “eskluzive” në Tv Klan dhe Top Channel, për ta përmbyllur me 30 minuta në ABC në emisionin e ri, Provokacija të Mustafa Nanos. Të gjitha të marra së bashku bëjnë 4 orë Live. Në 18 prill të 2017, Emisioni ‘Ajsberg’ në News24, i gazetarit, Artur Cani regjistroi minutazhin që ka shpenzuar Km Rama për vetëm 15 ditë të muajit prill. Nga kjo doli se, KM Rama ka folur afërsisht 8 orë diskutim live vetëm në një gjysmë muaji, ose 34 minuta live në ditë. Gjatë fushatës zgjedhore, sipas KQZ, KM Edi Rama ka folur 53 orë televizive. Në datën 16 tetor 2017, është matur me telemetrix se më pak se 24 orë, Kryeministri i foli drejtpërdrejt popullit të tij për 285 minuta, ose 4 orë e treçerek.
Përmes ekranit të vogël të televizorit, KM Edi Rama ka hyrë në shtëpitë tona duke kaluar përmes kuzhinës, dhomës së ndenjes apo dhe dhomës së gjumit e duke përhapur kështu aromën e ndikimin e tij retorik.
