Barcelona është gjobitur me 1500 euro dhe është paralajmëruar se mund të dënohet me zhvillimin e ndeshjeve pa tifozë nga Komiteti i Garave i Federatës së Futbollit të Kosovës, shkaku i “trazirave” të shkaktuara në Camp Nou, gjatë El Clasicos kundër Real Madridit.
Gjyqtari Alejandro Hernandez Hernandez ishte detyruar ta ndalë lojën në Camp Nou mes Real Madridit dhe Barcelonës pasi tifozët i kishin gjuajtur disa topa që fryhen me ajër në fushën e blertë, gjatë pjesës së dytë, transmeton Gazeta Express.
Klubi katalonas është ndëshkuar pasi e ka shkelur Nenin 101, pikën 2 të Kodit Disiplinor të Federatës së Futbollit të Spanjës, që konsiderohet shkelje e rëndë nëse topa ose gjësende tjera gjuhen në fushë nga tribunat, pa marrë parasysh a ndalet loja apo jo.
Kjo gjë pritej të ndodhte në Camp Nou në shenjë proteste për pavarësimin e Katalonjës nga Spanja, pasi edhe ndeshja mes dy klubeve ishte shtyrë nga 26 tetori në 18 dhjetor shkaku i protestave në qytet.
