Ish kryebashkiaku i socialistëve në Kavajë, Elvis Rroshi, ka surprizuar jo pak këtë të dielë duke bërë thirrje për votuesit e Qarkut Tiranë, veçanërisht ata të qytetit të Kavajës, të votojnë kushëririn e tij, Elton Rroshin, i cili garon për deputet në zgjedhjet e 11 majit, nën siglën e “Aleanca për Shqipërinë Madhështore” të udhëhequr nga Berisha.
Ish kryebashkiaku socialist ka postuar në rrjetet sociale posterin e fushatës të Elton Rroshit, të cilin e ka djalë xhaxhai, por që garon si pjesë e partisë kundërshtare të asaj që mbështeti Elvisin për të marrë drejtimin e Bashkisë Kavajë.
