Kreu i PD, Lulzim Basha, nëpërmjet një postimi në faqen e tij zyrtare në Facebook, ka uruar demokratët dhe kryetarët e degëve të sapo zgjedhur në këto 3 qytete: Të Fierit, Patos dhe Roskovec.
Basha shprehet se, “ne jemi në gjendje për të prezantuar një politikë me fytyrë njerëzore dhe këtë do ta bëjmë me njerëzit e duhur, që besojnë te vlerat dhe parimet.”
Postimi i kreut të PD Lulzim Basha
Mirënjohje për demokratët e Roskovecit, Patosit dhe Fierit, falë përkushtimit dhe qëndresës së tyre të pashembullt Partia Demokratike arriti të mbijetojë dhe të nisë ringritjen e pakthyeshme.
Ne jemi në gjendje për të prezantuar një politikë me fytyrë njerëzore dhe këtë do ta bëjmë me njerëzit e duhur, që besojnë te vlerat dhe parimet.
Urime dhe suksese të përzemërta anëtarëve të kryesive dhe kryetarëve të zgjedhur me votën e demokratëve nga Kuvendet e Degëve Fier, Roskovec dhe Patos.
Eriselda Çelaj, Syrja Misiraj dhe Shezai Sinanaj janë shembuj të qëndresës dhe figura me integritet, me të cilët PD-ja do të fillojë punën për t’u shndërruar sa më parë në një alternativë për njerëzit.
