Endri Hasa, kandidat për deputet në Qarkun e Elbasanit nga Koalicioni Euroatlantik, ka shpërndarë një mesazh të qartë për qytetarët që kërkojnë ndryshim. Në deklaratën e tij, Hasa e cilëson Koalicionin si zërin e atyre që nuk janë dëgjuar, forcën e atyre që nuk janë shitur dhe shpresën e shqiptarëve që besojnë ende në ndershmëri dhe drejtësi.
Ai i drejtohet elektoratit me thirrjen për besim, duke kërkuar mbështetje për të qenë zëri i tyre në Parlamentin e ardhshëm. Sipas Hasës, ndërtimi i një Shqipërie të drejtë dhe të ndershme është i mundur vetëm me njerëz që nuk kanë komprometuar vlerat.
Deklarata e plotë e Endri Hasës:
Koalicioni Euroatlantik është zëri i atyre që nuk janë dëgjuar.
Është forca e atyre që nuk janë shitur kurrë.
Është shpresa e atyre që besojnë se Shqipëria mund të ndërtohet me mund, me drejtësi dhe me njerëz të ndershëm.
Unë, Endri Hasa, ju zgjas dorën për besim dhe për të qenë përfaqësuesi juaj në Parlament.
