Nga Namir Lapardhaja
Po iku Enveri ynë, Shqipërinë e merr lumi;
Vetëm Enveri ynë, e mban PPSH-në e bashkuar;
Më gjej një Enver tjetër, të marrë 99.99% të votave;
Enveri ynë, i vetmi shkëmb graniti kundër imperializmit anglo-amerikan;
Enverit tonë ia kanë të gjithë me hile;
Enveri s’di gjë, do ta ketë bërë Mehmeti (Beqiri, Kadriu) me kokën e vet;
Vetëm Enveri ynë e lulëzon këtë vend;
Enveri ynë është misionari i fundit i marksizm-leninizmit;
Pa Enverin tonë, marrim fund, toka nuk rrotullohet, dielli nuk lind, hëna nuk ndrin;
Enveri ynë ka mision armiqëve t’ua shkuli maskën, tradhëtarëve t’ua tregojë tradhëtinë, hileqarëve t’ua zbulojë hilenë;
Kush kërkon Enveri të largohet, paguhet nga dollarot amerikanë dhe nuk është asgjë më shumë se një spiun i SIM-it fashist;
Enveri ynë rri 20 orë pa gjumë për hallet e popullit dhe fle 4 orë në bythë duke punuar;
Enveri ynë nuk bën dashuri, në tualet nuk shkon;
Enveri ynë është i varfër si populli, s’ka as pasuri as katandi;
Po iku Enveri ynë, partia bëhet 400 copa;
Pa Enverin tonë, imperialistët s’do na lënë të shkojmë pa leje as në hale;
Falë Enverit tonë, marrim frymë lirisht në socializëm;
O Enver, t’u bëfsha ferrë, merr pushtetin dhe një herë, – mprehe shpatën që u rrin te koka, gjithë armiqve që ka bota.
