Eurodeputeti slloven Igor Soltes është shprehur kundër projektit të qeverisë shqiptare për ndërtimin e HEC-it në lumin Vjosa. Gjatë diskutimeve që po zhvillohen në Bruksel, eurodeputeti Soltes shprehu shqetësim, duke iu referuar edhe protestës së banorëve të Vlorës dhe të Mallakastrës.
I pranishëm gjatë këtyre diskutimeve, ka qenë edhe deputeti shqiptar i PD Kastriot Islami, i cili pasi falenderoi eurodeputetin Soltes për interesimin lidhur me lumin e Vjosës, kërkoi që kjo çështje të përfshihet në progres-raportin.
Ky dokument pritet të dalë më 9 nëntor për çeljen e negociatave për anëtarësim në BE. Deputeti Islami mori përsipër të bëjë amendamentin e nevojshëm për ndërtimet mbi lumin Vjosa.
