Forca të shumta të FNSH kanë zbarkuar në aksion në Durrës për arrestimin e disa efektivëve të policisë, të cilët akuzohen për shpërdorim detyre.
Shërbimi i Kontrollit të Brendshëm (SHKB) ka proceduar disa efektive policie në Durrës e Shijak.
Burime thanë se ShKB, në bashkëpunim me prokurorinë e Durrësit, kanë nisur një hetim që po finalizohet me procedimin e një numri të lartë efektivësh policie.
Sipas burimeve, bëhet fjalë për më shumë se shtatë-tetë efektivë, të cilëve do t’u pritet gjatë orëve në vazhdim fletë-arresti.
Ata akuzohen për shpërdorim detyre, ndërsa forcat e FNSH po punojnë për shoqërimin e tyre…
Aksioni është në vijim e sipër ndaj dhe nuk ka shumë informacione mbi të arrestuarit dhe emrat e tyre.
