Akademiku Artan Fuga ka dhënë opinionin e tij në lidhje me mospërgjigjen e Ramës ftesës për debat nga ana e kryedemokratit Lulzim Basha. Fuga tha se Rama nuk i pëlqen debatet sepse nuk i njeh dosjet e sektorëve të ndryshëm, kurse nga ana tjetër Basha e fton për debat pasi kritika bëhet më e lehtë. “Debatet janë Rama nuk e pëlqen debatin, se ai zhvillon tablonë e përgjithshme, por nuk njeh dosjet e financave, e bujqësisë, nuk është teknik. Ndërsa Basha nuk ka çfarë humb nga kjo, se ai ka më shumë të kritikojë se çka Rama të mbrojë. Për të bërë kritikë është më e lehtë se sa të mbrohesh. Se gjërat që duhen kritikuar janë të dukshme, plus që media në Shqipëri nuk ka atë fuqi para politikanëve që t’i ftojë në debat televiziv”, tha Fuga.
