Donnaruma është pika më e fortë e Milanit, por në ndeshjen me Pescarën, një gabim i tij i kushtoi jo pak kuqezinjve që shikojnë Europën të largohet pas një barazimi 1-1 në transfertë përballë formacionit të Zemanit, pothuajse të rënë një kategori më poshtë.
Ky gabim i portierit i lejoi Pescarës të merrte epërsinë shumë shpejt. Milani arriti të barazonte megjithatë në fundin e pjesës së parë me Pasalicin. Ndeshje e mirë për Ledian Memushajn që ishte ndër më aktivët për të tijtë teksa u aktivizua për 85 minuta.
Fiorentina arriti të tretën fitore radhazi po në shifrat 1-0 duke mundur 1-0 në shtëpi Bolognën.
Babacar ishte lojtari që zgjidhi sfidën në favor të skuadrës së Sosës që pavarësisht këtij suksesi mbetet ende larg zonës Europiane.
Torino dhe Udinese ndanë pikët mes tyre në përballjen e orës 12:30 duke argëtuar të pranishmit me një barazim 2-2. Skuadra friulane nuk arriti të ruajë dot epërsinë e dyfishtë të krijuar me Jankto dhe Perican, sepse skuadra granata mundi të barazojë rezultatin falë Morettit në të 70-ën dhe Belottit në të 83-ën, me këtë të fundit që festoi me gol ndeshjen e tij të 100-të.
