Presidenti Ilir Meta ka dërguar një letër pranë OSBE-së ku deklaron se ambasadori i saj në Shqipëri, Bernd Borchardt është ‘non-grata’ në Presidencë, ndërsa ditën e sotme, këtij të fundit, i është refuzuar edhe hyrja në godinën e Presidencës, raporton syri.net
Ndërkohë që delegacioni i OSBE-së në Shqipëri ka mbërritur në ambientet e Presidencës, Borchardt është kthyer mbrapsht pasi nuk është lejuar të marrë pjesë në takimin me kreun e shtetiut.
Sipas arsyetimit të presidentit Ilir Meta, në letrën dërguar zyrës qëndrore të OSBE-së në Danimarkl, thuhet se Borchardt vuri në diskutim dekretin e tij për zgjedhjet e 30 qershorit, ndërkohë që një tjetër kritikë që ka adresuar është ngiritja e gishtit nga ana e ambasadorit ndaj protestuesve të “Unazës së Re” para Drejtorisë së Policisë së Tiranës.
Më poshtë dokumenti i Presidentit Meta dhe që i drejtohet Zyrës së Asamblesë Parlamentare të OSBE në Kopenhagen, Zyrës së Prezencës së OSBE-së në Tiranë dhe Drejtorisë së Protokollit të Shtetit të Ministrisë së Europës dhe Punëve të Jashtme në Tiranë.
