Sulmuesi me origjinë shqiptare, Arijon Ibrahimovic është gati të nisë aventurën e re me fanellën e Lacios, teksa zbarkoi të dielën pasditen në kryeqytetin italian.
Lojtari u prit sot në aeroportin Fiumicino me një fluturim nga Mynihu. Operacioni përfaqëson një marrëveshje huazimi me të drejtë blerje të vendosur në 8 milionë euro , ndërsa Bajern vendosi një klauzolë rikthimi të ulur në 20 milionë.
Lojtari i datëlindjes 2005, është në pronësi të Bajern Mynih, por kërkon hapësira që të luajë rregullisht. Ndaj ashtu si një vit më parë kur u transferua te Frozinone dhe dha prova të talentit të tij në Serinë A, ai do të huazohet këtë radhë te bardhekaltrit të cilët kanë nevojë për një lojtar me fantazi në repartin e avancuar.
