Sekretari i Përgjithshëm i OKB-së ka paralajmëruar se Rripi i Gazës është në mes të një “katastrofe epike humanitare”. António Guterres tha në një takim të Këshillit të Sigurimit të OKB-së sot se “negociatat intensive” po zhvilloheshin për të zgjatur armëpushimin aktual – por OKB-ja besonte në nevojën për një “armëpushim të vërtetë humanitar”.
Guterres vazhdoi duke shtuar se niveli i ndihmës për palestinezët në Gaza mbeti “krejtësisht i pamjaftueshëm” për të përmbushur nevojat e mëdha të më shumë se dy milionë njerëzve.
“Kërkohet shumë më tepër për të filluar të adresohen nevojat njerëzore në Gaza. Shërbimet e ujit dhe energjisë elektrike duhet të restaurohen plotësisht. Sistemet e ushqimit janë shembur dhe zemërimi po përhapet, veçanërisht në veri”, theksoi.
Ai tha se fëmijët, gratë shtatzëna, të moshuarit dhe ata me sistem imunitar të dobësuar ishin në rrezik më të madh – duke shtuar se 80% e banorëve të Gazës ishin detyruar të largoheshin nga shtëpitë e tyre.
