Një trup i pajetë është parë duke pluskuar në ujë nga pushuesit pasditen e djeshme në zonën bregdetare të Lungomares në Vlorë. Viktima mësohet se është rreth 60 vjeç, i seksit mashkull. Pritet ekspertiza mjeko-ligjore për përcaktimin e shkaqeve të vdekjes. Paraprakisht, dyshohet se burri është mbytur në det. Kjo skenë ka krijuar panik te pushuesit.
Nga hetimet e para të policisë, ka rezultuar të jetë L.H., 76 vjeç, banues në Vlorë, i cili dyshohet të jetë mbytur në det, pasi ka rënë nga shkallët e Lungomares, bëjnë me dije burime zyrtare nga Policia. Bëhet e ditur se viktima është Liço Hoxhaj. Ndërkohë, grupi hetimor po punon për zbardhjen e plotë të rrethanave të ngjarjes. Ka qenë një telefonatë që rreth orës 18:20 ka njoftuar Sallën Operative Vlorë se në lagjen “Uji i Ftohtë”, në Lungomare gjendet një trup i pajetë.
