Me afrimin e datës së zgjedhjeve të 11 majit, kandidati për deputet në qarkun e Vlorës nga Koalicioni Euroatlantik, Gjergji Nika, ka bërë një thirrje të drejtpërdrejtë për qytetarët, duke i ftuar të reflektojnë mbi të kaluarën politike dhe të votojnë me ndërgjegje për të ardhmen e qytetit dhe të vendit.
Në një deklaratë publike të shpërndarë në rrjetet sociale, Nika theksoi rëndësinë e zgjedhjes së drejtë në këtë moment kyç, duke kritikuar premtimet që, sipas tij, bëhen vetëm në prag të zgjedhjeve dhe harrohen sapo ato përfundojnë.
“Mos u gënjeni… Reflektoni! JU kërkoni llogari të gjithëve çfarë kanë bërë. Ju duan vetëm SOT… se NESËR do t’ju harrojnë, ashtu si ju kanë harruar gjithë këto vite,” – shkroi ai.
Kandidati i Koalicionit Euroatlantik u bëri thirrje qytetarëve të Vlorës të mos bien pre e manipulimeve politike dhe të votojnë për një të ardhme më të mirë, duke e shoqëruar mesazhin e tij me moton “#voto4”, që përfaqëson numrin e subjektit në fletën e votimit.
Postimi i plotë:
Të nderuar qytetarë të Vlorës!
Në 11 Maj do të votoni për drejtimin e Shqipërisë dhe Vlorës për 4 vitet e ardhshme
Mos u gënjeni…..reflektoni JU kërkoni llogari të gjithëve cfarë kanë berë…….ju duan vetëm SOT …. se NESËR do tu harrojnë ashtu si ju kanë harruar gjithë këto vite
#voto4
#KoalicioniEuroatlantik
#BesoTeShqipëria
