Një bandë për vjedhjen e makinave luksoze u shkatërrua nga policia italiane gjatë një operacioni të koduar “Tarokko”. Secili prej anëtarëve kishte rol të saktë në grup, që kryenin vjedhjen e makinave, pengonin GPS-në dhe më pas fshehjen e tyre.
Grupi kishte aftësinë të kryente grabitjen në mënyrë spektakolare në vetëm dy minuta. Disa prej grabitjeve janë kryer në Monza. Midis vjedhjeve të shumta janë edhe ky kamionë mallrash.
Makinat e grabitura pas modifikimit ishin transportuar për në Maltë. Kur një shofer rumun mauneje u ndalua dhe u pyet për makinat brenda mjetit të tij, ai nuk ishte në gjendje të shpjegonte. Kjo ngriti të tjera dyshime tek hetuesit, të cilët edhe nëpërmjet përgjimeve zbuluan grupin prej 15 personash, gjysma e të cilëve shqiptarë.
Mediat lokale shkruajnë se mes 7 shtatë shqiptarëve të arrestuar, njëri prej tyre është kreu i organizatës, e cila ka vepruar në Monza. Midis të arrestuarve janë edhe 6 italianë, një rumun, një maroken dhe një bullgar nga mosha 21 deri në 65 vjeç.
Shqiptari i arrestuar i quajtur Ditmir B, 31 vjeç, konsiderohet si kreu i organizatës, ndërsa një tjetër i arrestuar është Ilir Z. 32 vjeç. Veçori e grupit është se ata përdornin kuti të mbyllura në një mënyrë që pengonin lokalizimin nga sistemet e alarmit të GPS-së.
Makinat pastaj u “rikrijuan”, domethënë u hiqej sistemi i alarmit dhe treguesi i vendndodhjes. Makinat i nënshtroheshin edhe riparimeve të tjera dhe më pas bëheshin gati për eksport. Vjedhjet kryheshin brenda disa minutave dhe më së shumti me teknika të veçanta dhe të sofistikuara.
Të paktën 23 makina janë zbuluar deri më tani të vjedhura nga grupi dhe midis tyre ishte edhe një markë e re “Range Rover” vjedhur në maj.
Shuma e grabitjeve të kryera kap vlerën e rreth 1,750,000 €, përfshirë makina “Range Rover”, “Audi”, “BMW” dhe “Jaguar”. Përveç se në Monza, grabitjet janë shtrirë edhe në Milano, Bari, Bergamo, Brescia, Como, Genoa, Verona dhe jashtë vendit, në Gjermani, Shqipëri dhe Mal të Zi.
