Në një kompleks turistik në Gjirin e Lalzit, një grabitës ka hyrë pas mesnatës së 4 shtatorit, duke thyer derën dhe ka vjedhur 1 milion lekë të reja nga kasaforta. Policia e Durrësit ka mbledhur gjurmët dhe pas një pune hetimore intensive ka bërë të mundur të zbulojë autorin dhe vendndodhjen e parave, larg Lalzit, në Tiranë.
Autori që u arrestua është Denis Myrteza 23 vjeç, banues në Tiranë. Ai është arrestuar mesnatën e datës 5 shtator dhe gjatë kontrollit të ushtruar në banesën e tij në Tiranë iu gjetën dhe sekuestruan 10 000 000 lekët. Dosja e tij i kaloi Prokurorisë së Rrethit Gjyqësor Durrës për veprime të mëtejshme për veprën penale “Vjedhja” parashikuar në nenin 134 të Kodit Penal.
