Me një dopietë të tij ka thyer tabunë kundër Gjermanisë dhe dërgoi Francën në finale të kampionatit europian “France 2016” që do të zhvillohet në Paris. 6 gola deri më tani në Europian, duke qenë golashënuesi kryesor i këtij turneu dhe i cili është duke i’u afruar me gola edhe mitit Michel Platini. Por Antoine Griezmann nuk është i dashur vetëm për atë çka jep në fushën e blertë.
“Le Petit Diable” është bërë simboli i një kombi, heroi i një shteti të “lënduar” nga sulmet terroriste, i cili me golat dhe gjestet e tij bomberi i Atletico Madrid janë duke i rikthyer buzëqeshjen një populli të tërë. Më 13 nëntor 2015 në ditën e sulmeve terroriste në Paris, Griezmann ishte në fushë me kombëtaren e tij në ndeshjen kundër Gjermanisë.
Ndërkohë motra e tij ishte në koncertin e “Eagle of death metal” në Bataclan ku humbën jetën më shumë se 100 persona.
Pas disa orësh ku e kuptoi se çfarë kishte ndodhur ai shkruajti në faqen e tij zyrtare në rrjetin social “Twitter”: “Falenderoj Zotin që motra ime mundi të largohej nga Bataclan. Të gjithë lutjet e mia shkojnë për të gjithë viktimat dhe familjet e tyre. Viva la Franca”.
Historia e Griezmann është edhe historia e Francës së “goditur”, e cila dëshiron të ngrejë kokën pa patur frikë, që dëshiron ta bëjë pavarësisht vështirësive siç bëri edhe “Djalli i vogël” i tyre. Jeta e Antoine Griezmann është e shënuar në shumë histori emblematike që në moshë të vogël dukej se ishte i refuzuar nga futbolli, në Francë nuk e dëshironte asnjë dhe për të “shpërthyer” emigroi në Spanjë, në fillim tek Real Sociedad dhe më pas tek Atletico Madrid ku Diego Pablo Simeone e transformoi në një kampion të vërtetë.
Në 2013 u skualifikua për një sezon nga Kombëtarja U-21 e Francës, pasi ishte larguar nga faza përgatitore pa kërkuar leje. E ardhmja e tij me “blutë” dukej sikur ishin zbehur, por më pas Antoine ndryshoi dhe filloi të ishte një fitues.
Bomberi i Atleticos ka shënuar 6 gola në këtë europian, por goli më i bukur sigurisht ishte ai jashtë fushës së blertë, pas dopietës së bërë në çerekfinale kundër Irlandës ai takoi Hugon të birin e një polici, i cili u gjend i vdekur pas sulmeve terroriste në Magnaville të Francës dhe ai i dhuroi në shenjë sensibilizimi topin e ndeshjes. Një gjest që bëri të emociononte të gjithë shtetin francez, i cili tashmë dëshiron të qajë nga lumturia, duke ngritur trofeun e Kampionatit Europian.
