Nga Ema Shazivari
Aktori i njohur Guliem Radoja po lufton me jetën në spitalin “Shefqet Ndroqi”, si pasojë e Covid-19. Mbrëmjen e së hënës ai është transportuar në gjendje të intubuar nga spitali i Durrësit.
Para dy javësh ai u shtrua në spitalin e Durrësit, ku po trajtohej për virusin. Sipas mjekëve të sanatoriumit, mushkëritë i ka të prekur në masën 100%.
Ata shprehen se gjendja shëndetësore është tepër e rëndë, kjo edhe për shkak të sëmundjeve kardiake nga të cilat vuan.
Gjatë trajtimit në Durrës, kolegë dhe miq i bënë apel shtetit, që aktori të dërgohej jashtë për një trajtim më të specializuar. Por, gjendja e tij nuk e lejon atë aktualisht. Megjithatë reanimatorët e “Shefqet Ndroqit”, ende shpresojnë që aktori mund t’ia dalë. /abcnews.al
