Komisioneri për Zgjerimin, Johannes Hahn, përmes një postimi në rrjet kërkon hapjen e negociatave me Maqedoninë e Veriut.
Madje Hahn shkon edhe më tej duke u shprehur se negociatat me këtë vend nuk mund të penalizohen me atë që shtete të tjera mund të kenë mbetur prapa.
Në fakt duket se mesazhi i Hahn në rrjetet sociale i drejtohet Shqipërisë, pavarësisht se nuk përmendet drejtpërsëdrejti.
Por ajo që dihet është fakti se Maqedonia e Veriut dhe Shqipëria ishin dy vendet që prisnin hapjen e negociatave me BE-së që në maj të 2018-ës, por që u shtynë me 1 vit.
Të dy vendet shpresonin që në fundin e majit 2019 apo qershorin e këtij viti t’i hapej drita jeshile për negociatat, por duket se vetëm Maqedonia e Veriut do të ketë fatin për të çuar procesin një hap përpara.
Procesi i Zgjerimit të BE-së, sipas Hahn, bazohet në merita, duke vlerësuar përparimin individual, ndërsa shton se nuk do të ishte e drejtë që të kishte penalizime për shkak të të tjerëve që mbeteshin prapa.
