Jupp Heynckes këmbëngul se Bayern Munich nuk do të marrë asnjë rrezik kundër Besiktas, megjithë turpërimin e vizitorëve turq, 5-0, në ndeshjen e parë të 1/8 finale të Ligës së Kampionëve. Kampioni gjerman, Bayern, e lehtësoi punën për sfidën e kthimit, teksa shënoi pesë gola në ndeshjen e së martës, në Mynih, pasi Besiktas u reduktua në 10 lojtarë, në fillim të ndeshjes. Çdo shpresë për një rezultat konkurrues në “Allianz Arena” u thye kur Domagoj Vida e pa të kuqin në minutën e 16-të. Megjithatë, trajneri Jupp Heynckes nuk pranoi të largohej shumë pas ndeshjes, edhe pse Bayerni bëri 14 fitore të njëpasnjëshme në të gjitha garat. “Është shumë e vështirë për çdo skuadër të luajë në Ligën e Kampionëve me 10 lojtarë, tha Heynckes, pas ndeshjes. Unë ende besoj se Besiktas është një ekip shumë i mirë, me shumë lojtarë me përvojë, që kanë luajtur në të gjithë Europën. Jam shumë i lumtur që kemi fituar kaq pastër ndaj një ekipi të tillë. Ne do të vazhdojmë të përgatitemi normalisht për kthimin. Ju nuk mund të merrni ndonjë rrezik në Ligën e Kampionëve. Unë mendoj se kemi parë dy pjesë loje të ndryshme. Në gjysmën e parë të ndeshjes nuk kishte asnjë tempo në lojën tonë. Hapësira para pushimit na dha një avantazh psikologjik dhe në pjesën e dytë kemi parë një ekip tjetër të Bayernit, kemi shënuar disa gola të mëdhenj dhe luajtëm futboll të mirë. Sigurisht, jam i kënaqur me performancën”.
