Prof. Dr. Nevila Nika, një nga emrat më të shquar të historisë dhe arkivistikës shqiptare, do të jetë pjesë e garës elektorale të 11 majit me Koalicionin Euroatlantik, duke u rreshtuar në listën e hapur në krah të Lulzim Bashës në Tiranë.
Me një karrierë të gjatë akademike dhe drejtuese, Prof. Nika ka qenë drejtore e Arkivit Qendror të Shtetit, duke dhënë një kontribut të rëndësishëm në ruajtjen dhe promovimin e trashëgimisë historike kombëtare. Ajo është vlerësuar edhe në nivel ndërkombëtar, duke marrë medaljen “Stella d’Italia di grado cavaliere” nga Presidenti i Italisë në vitin 2017, për forcimin e marrëdhënieve shqiptaro-italiane.
Përfshirja e saj në politikë vjen si një angazhim për një Shqipëri më të drejtë, ku vlerat akademike dhe historike të jenë pjesë e vendimmarrjes. Kandidimi i saj në zgjedhjet e 11 majit pritet të sjellë një qasje të re në politikë, duke përfaqësuar një zë të pavarur dhe të përkushtuar ndaj interesit publik.
