Tjetër ndeshje për t’u harruar nga Real Madridi i Zinedine Zidane, tjetër humbje këtë edicion.
Los Blancos, pas humbjes befasuese nga Cadiz, në njëfarë mënyrë u turpëruan në Ligën e Kampionëve nga Shakhtari, duke u mposhtur 2-3 në Alfredo Di Stefano.
Legjenda e Real Madridit, Guti Hernandez, mendon se dyshja e Paris Saint-Germain, Neymar dhe Kylian Mbappe do të ishin zgjidhja ideale për Los Blancos.
Mbappe ka kontratë me PSG-në deri në vitin 2022 dhe lidhet fuqishëm me Realin, ashtu si Neymari që nga viti 2017 kur u largua nga Barcelona.
“Që tani do t’i transferoja Neymarind dhe Kylian Mbappen në Real Madrid”, u shpreh Guti.
Ai gjithashtu tha se e ardhmja e Realit, por edhe e Barçës, mund të jenë Ansu Fati dhe Vinicius Junior, të cilët po ashtu sipas tij do të bëjnë diferencën edhe në “El Clasico”.
“Ansu Fati te Barcelona dhe Vinicius [Junior] te Real Madridi mund të bëjnë diferencën. Janë lojtarë të talentuar dhe do t’i dhurojnë shumë La Ligës”.
