I dënuar me 1.4 vite burg pasi iu gjet 9 kg drogë në banesë, arrestohet vëllai i kryebashkiakut socialist të Poliçanit (EMRI)

Policia vuri sot në pranga një 55-vjeçar në Poliçan, i cili ishte në kërkim për veprën penale të prodhimit dhe shitjes së lëndëve narkotike.

 

55-vjeçari Artur Zotkaj, rezulton se është vëllai i kryebashkiakut të Poliçait, Adriatik Zotkaj.

Zotkaj është dënuar me 1.4 vite burg, pasi në muajin shtator 2015, gjatë operacionit “Pronoviku”, në banesën e tij janë gjetur dhe sekuestruar 9 kilogramë cannabis sativa.

“Specialistët për Hetimin e Narkotikëve, ndaluan shtetasin A. Z., 55 vjeç, banues në Poliçan.

Gjykata e Beratit, me vendimin e datës 13.03.2017, e ka dënuar këtë shtetas, me 1 vit e 4 muaj burgim, për veprën penale “Prodhimi dhe shitja e narkotikëve”, pasi në muajin shtator 2015, gjatë operacionit “Pronoviku”, në banesën e këtij shtetasi janë gjetur dhe sekuestruar 9 kilogramë cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme”, njoftoi policia.