Kristjan Asllani do të ketë mundësinë të tregojë se sa vlen në një moment shumë kyç për sezonin e Interit. Mesfushori i Kombëtares shqiptare do të jetë titullar në duelin ndaj Parmës, për shkak të rotacioneve, por edhe situatës së tij të veçantë në javën e fundit.
Asllani ndoqi derbin e Kupës nga tribuna si spektator, pasi ishte i pezulluar në ndeshjen e parë gjysmëfinale ndaj Milanit për shkak kartonësh. Ai do të jetë përsëri spektator edhe në ndeshjen e mesjavës ndaj Bajern Mynihut, pasi përsëri kartonët e verdhë do të bëjnë që të humbasë duelin e parë ndaj bavarezëve.
Kësisoj, trajneri Inzagi ka vendosur t’i besojë Asllanit ndeshjen e kampionatit ndaj Parmës, ku ai do të marrë vendin e Çalhanollu si regjisori para mbrojtjes, në një moment që skuadrës nuk i duhet të ulë rimtin në asnjë nga frontet në të cilët lufton për trofe.
