Befason Zllatan Ibrahimoviç. Sulmuesi suedez, i dëmtuar rëndë në gju në takimin e kthimit me Anderlehtin në gjysmëfinale të Europa Legaues, nuk pranon të rinovojë kontratën me Manchester United, duke i thënë jo ofertës së trajnerit Jose Mourinho. 35-vjeçari, i cili pritet të kthehet në fushë pas të paktën gjashtë muajsh, ka këmbëgulur se nuk është momenti për të diskutuar për kontratën e re, me aktualen që i skadon në muajin qershor. Në fakt, situata është disi e ndërlikuar, sepse propozimi i drejtuesve të “Djajve të Kuq” për zgjatjen e bashkëpunimit edhe një sezon tjetër, i ishte bërë sulmuesit para se të dëmtohej.
Në terma ekonomike, Ibra do të përfitonte rreth 15 milionë euro në sezon, por sipas tij nuk është e drejtë që të paguhej me kaq shumë para, nëse nuk do të luajë. Përgjigja negative e Zlatanit, i jep fund aventurës së tij te Manchester United, por jo karrierës së tij si futbiollist. Deri në fund të 2017-ës, kur Ibahimoviç të jetë gati për t’u kthyer në fushë, mund të ndryshojnë shumë gjëra, por një gjë është e sigurtë: për aq kohë sa do të qendrojë në infermieri, 35-vjeçari nuk preferon të jetë barrë financiare për Manchecter United, që ia kishte bërë ofertën para së të dëmtohej.
