Zlatan Ibrahimoviç i befason të gjithë. Luanët nuk rikuperojnë njësoj si njerëzit dhe e ka vërtetuar më së miri, sulmuesi i Manchester United, jo nëpërmjet ndonjë goli spektakolar ose veprimi akrobatik nga ana e Ibrës. Në një video të postuar nga vetë bomberi në Instagramin e tij shihet se si 35-vjeçari, as ai i dëmtim i rëndë në pjesën e gjurit nuk e ka mposhtur dot. Në video shihet qartë Zlatan, i cili ka nisur të bëjë veprimet e para me top dhe një gjë e tillë i ka lënë të gjithë me gojë hapur. Ende nuk mund të flitet për rikuperim në kohë rekord, por ndoshta nuk është e largët dita që gjiganti suedez do t’i rikthehet fushës së blertë.
Të paktë ishin ata që besonin se Ibra do të mund të luante sërish futboll, pati edhe nga ata që deklaruar se karriera e tij ka përfunduar pas këtij dëmtimi. Por në fakt një pjesë e mirë janë gabuar, sepse numri 9 nuk është nga ata personazhe të botës së futbollit që dorëzohet lehtë dhe një gjë të tillë ai, ia bëri të qartë të gjithë tifozëve të tij ku deklaronte: “Një gjë është e sigurt, jam unë ai që e vendos momentin kur duhet t’i jap fund futbollit”. Deklaratë gladiatorësh, e një kampioni të vërtetë. I çudit jo pak të pranishmit në finalen e Europa League, ku pas përfundimit të takimit, Zlatan zbriti në fushë me një vrapim të lehtë drejt shokëve të tij të skuadrës për të festuar fitimin e trofeut, pa ndihmën e patericave. Fare mirë ky rikuperim i pjesshëm në kohë rekord, mund të konsiderohet një tjetër trofe në karrierën e bomberit.
