Kreu i Partisë së Lirisë, Ilir Meta nuk e përmendi sot për asnjë moment kreun e SPAK-ut, Altin Dumani apo edhe institucionin që ai drejton, megjithëse në dy javët e fundit ka lëshuar sulme të shumta ndaj Drejtësisë.
Në 2 orë fjalim përpara delegatëve të Konventës Kombëtare, e cila pak orë më vonë do ta zgjedhë atë si President të Partisë, sulmoi hapur ndërkombëtarët, ndërsa solli në vëmendje eksperiencën me ambasadorin italian duke theksuar se do ta shpallte ‘non grata’ .
Meta nuk harroi të sulmonte gjithashtu dhe kreun e Partisë Demokratike Lulzim Bashën, a thua se e kishte mbledh Koventën kundër këtij të fundit dhe jo kundër Edi Ramës.
Gjithashtu Meta theksoi se kjo nuk është një konventë kundër Monika Kryemadhit.
Gjithsesi ai përsëriti akuzat për nepotizmin në parti si dhe fajësoi Kryemadhin për djegien e mandateve.
